ദക്ഷിണ കൊറിയയിലെ ഗാങ്‌ന്യൂങ് സിറ്റി സ്റ്റേഷനിൽ നിന്ന് തലസ്ഥാനമായ സിയോളിലേക്ക് 7:30 ന് 200 യാത്രക്കാരുമായി പുറപ്പെട്ട അതിവേഗ ട്രെയിൻ പാളം തെറ്റിയതിനെ തുടർന്നുണ്ടായ അപകടത്തിൽ 15 പേർക്ക് പരിക്കേറ്റു.
അപകടകാരണം വ്യക്തമല്ലെങ്കിലും താപനിലയിൽ പെട്ടെന്നുള്ള കുറവുണ്ടായതാകാം ട്രെയിൻ പാളം തെറ്റിയതെന്നാണ് കരുതുന്നതെന്നും എന്നാൽ അന്വേഷണത്തിന് ശേഷമേ യഥാർത്ഥ കാരണം വ്യക്തമാകൂവെന്നും അധികൃതർ വ്യക്തമാക്കി. അപകടത്തിൽ പരിക്കേറ്റവരെ ആശുപത്രിയിൽ പ്രവേശിപ്പിച്ചപ്പോൾ ട്രെയിൻ മണിക്കൂറിൽ 100 കിലോമീറ്റർ വേഗത്തിലായിരുന്നുവെന്നാണ് റിപ്പോർട്ട്.
കഴിഞ്ഞ വർഷം ഡിസംബറിലാണ് സിയോളിനും ഗാങ്‌നുങിനുമിടയിൽ അതിവേഗ ട്രെയിൻ തുറന്നത്.
അഭിപ്രായമിടുന്ന ആദ്യയാളാകൂ